ചേര്‍പ്പുങ്കല്‍ ഹോളിക്രോസ് ഹയര്‍ സെക്കന്‍ഡറി സ്‌കൂളില്‍ ആര്‍ട്‌സ് ഡേ ആഘോഷങ്ങളുടെ ഉദ്ഘാടനം ചലച്ചിത്ര സംവിധായകന്‍ ഭദ്രന്‍ മാട്ടേല്‍ നിര്‍വഹിച്ചു. ജീവിതത്തില്‍ ഗുരുസ്ഥാനീയരുടെ പ്രോത്സാഹനങ്ങള്‍ ഏറ്റുവാങ്ങി ഉയരങ്ങള്‍ കീഴടക്കാന്‍ നമുക്ക് കഴിയുമെന്ന് ഭദ്രന്‍ പറഞ്ഞു. എല്ലാവരും എല്ലാ കാര്യങ്ങളിലും ഒന്നാമന്‍മാര്‍ അല്ലെങ്കിലും ഏതെങ്കിലും കാര്യങ്ങളില്‍ എല്ലാവര്‍ക്കും ദൈവം കഴിവ് നല്‍കിയിട്ടുണ്ടെന്നും അദ്ദേഹം ഓര്‍മിപ്പിച്ചു. ഒരു കുറവുണ്ടെങ്കില്‍ അത് പരിഹരിക്കാന്‍ മറ്റെന്തെങ്കിലും മേഖലകളില്‍ ഓരോ വ്യക്തികള്‍ക്കും കൂടുതല്‍ കഴിവ് ഉണ്ടായിരിക്കും.
ജീവിതത്തിലെ തന്റെ കുട്ടിയുടെ വാസനകള്‍ തിരിച്ചറിയാതെ പോയ ഒരു പിതാവ് അവനെ താന്‍ വരയ്ക്കുന്ന വരയിലൂടെ നയിക്കണം എന്ന് ആഗ്രഹിക്കുകയും എല്ലാം തിരിച്ചറിഞ്ഞപ്പോള്‍ സമയം അതിക്രമിച്ചു പോവുകയും ചെയ്ത കഥയാണ് സ്ഫടികം എന്ന സിനിമയെന്ന് ഭദ്രന്‍ പറഞ്ഞു. മൂന്ന് പതിറ്റാണ്ടുകള്‍ പിന്നിട്ടിട്ടും സ്ഫടികത്തിന് ജനപ്രീതി ലഭിക്കാനുളള കാരണവുമിതാണ്. സിനിമകളിലെ നല്ല സന്ദേശങ്ങള്‍ സ്വീകരിച്ച് ജീവിതം കരുപിടിപ്പിക്കാന്‍ എല്ലാ വിദ്യാര്‍ത്ഥികളും തയ്യാറാകണമെന്നും അദ്ദേഹം ഓര്‍മിപ്പിച്ചു. മാനേജര്‍ റവ.ഫാ.ജോസഫ് പാനാമ്പുഴ അധ്യക്ഷത വഹിച്ചു. പ്രിന്‍സിപ്പാള്‍ ഫാ.സോമി മാത്യു, പി.റ്റി.എ പ്രസിഡന്റ്, സജു കൂടത്തിനാല്‍, ഹെഡ്മാസ്റ്റര്‍ ഷാജി ജോസഫ്, സെന്‍ അബ്രാഹം എന്നിവര്‍ പ്രസംഗിച്ചു.
.webp)
0 Comments