പാലാ നഗരത്തില്‍ എംഡിഎംഎയുമായി രണ്ട് യുവാക്കള്‍ പോലീസ് പിടിയില്‍. ബാംഗ്ലൂര്‍ ബസ്സില്‍ വന്നിറങ്ങിയ യുവാക്കളെ പോലീസ് പിന്തുടര്‍ന്നെത്തി പിടികൂടുകയായിരുന്നു. ഈരാറ്റുപേട്ട സ്വദേശികളാണ് പിടിയിലായത്. ഈരാറ്റുപേട്ട നടയ്ക്കല്‍ വള്ളോപറമ്പില്‍ റിയാസ് സഫീര്‍ (24), പത്തായപ്പടി പേരമ്പലത്തില്‍ മുഹമ്മദ് ഫിറോസ് (24) എന്നിവരാണ് പിടിയിലായത്. 94 ഗ്രാം MDMA ഇവരില്‍ നിന്നും പിടിച്ചെടുത്തു. കോട്ടയം SP യുടെ കീഴിലുള്ള രഹസ്യാന്വേഷണ വിഭാഗം ഇവരെ പിന്തുടര്‍ന്നെത്തി പാലാ മഹാറാണി ജംഗ്ഷനില്‍ വച്ച് പിടികൂടുകയായിരുന്നു. പാലാ പോലീസും പാലാ എക്‌സൈസ് സംഘവും സ്ഥലത്തെത്തിയിരുന്നു.
0 Comments