മീനച്ചില്‍ താലൂക്ക് NSS യൂണിയന്റെ ആഭിമുഖ്യത്തില്‍ സംഘടനാ പ്രവര്‍ത്തനങ്ങള്‍ വികേന്ദ്രീകരിച്ച് വിപുലീകരിക്കുന്നതിന്റെ ഭാഗമായി താലൂക്ക് യൂണിയനെ 5 മേഖലകളായി തിരിച്ച് മേഖലാ സമ്മേളനങ്ങള്‍ നടത്തുന്നു. സുദൃഢം 2025 എന്ന പേരില്‍ നടത്തപ്പെടുന്ന മേഖലാ സമ്മേളനങ്ങള്‍ക്ക് ജനുവരി 12 ന് തുടക്കം ആകുമെന്ന് NSS യൂണിയന്‍ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ആദ്യ മേഖലാ സമ്മേളനം ഞായറാഴ്ച രാമപുരം പള്ളിയാമ്പുറം ക്ഷേത്ര ഓഡിറ്റോറിയത്തില്‍ നടക്കും. ഉച്ച കഴിഞ്ഞ് 02:30ന് യൂണിയന്‍ ചെയര്‍മാന്‍ മനോജ് ബിയുടെ അദ്ധ്യക്ഷതയില്‍ കൂടുന്ന സമ്മേളനം NSS ഡയറക്ടര്‍ ബോര്‍ഡ് അംഗവും, ചേര്‍ത്തല താലൂക്ക് NSS യൂണിയന്‍ പ്രസിഡന്റമായ പ്രൊഫ: ഇലഞ്ഞിയില്‍ രാധാകൃഷ്ണന്‍ ഉദ്ഘാടനം ചെയ്യും.
അമ്പലപ്പഴ താലൂക്ക് NSS യൂണിയന്‍ വൈസ് പ്രസിഡന്റ്‌റ് Dr. D. ഗംഗാദത്തന്‍ മുഖ്യപ്രഭാഷണം നടത്തും. രാമപുരം മേഖലയില്‍പ്പെട്ട 26 കരയോഗങ്ങളില്‍ നിന്നുമായി കരയോഗ വനിതാസമാജ, ബാലസമാജ, സ്വാശ്രയ സംഘപ്രവര്‍ത്തകര്‍ ഉള്‍പ്പെടെ മുഴുവന്‍ സമുദായ അംഗങ്ങളും സമ്മേളനത്തില്‍ പങ്കെടുക്കും. കിടങ്ങൂര്‍ മേഖല സമ്മേളനം ജനുവരി 19 ന് കിടങ്ങൂര്‍ , NSS ഹയര്‍സെക്കന്ററി സ്‌കൂള്‍ ഹാളില്‍ നടക്കും. ഉച്ചകഴിഞ്ഞ് 2.30 ന് നടക്കുന്ന സമ്മേളനം NSS പത്തനാപുരം താലൂക്ക് യൂണിയന്റെ പ്രസിഡന്റും മന്ത്രിയുമായ KB ഗണേഷ് കുമാര്‍ ഉദ്ഘാടനം ചെയ്യും. അഡ്വ S മുരളികൃഷ്ണന്‍ മുഖ്യപ്രഭാഷണം നടത്തും. മോനിപ്പള്ളി മേഖലാ സമ്മേളനം ഫെബ്രുവരി 9 ന്, NSS വെസ്പ്രസിഡന്റ് സംഗീത് കുമാര്‍ ഉദ്ഘാടനം ചെയ്യും. പൂവരണി മേഖലാ സമ്മേളനം ഫെബ്രുവരി 16 ന് NSS ഡയറക്ടര്‍ ബോര്‍ഡംഗം ഡോ KP. നാരായണ പിള്ളയും പൂഞ്ഞാര്‍ മേഖലാ സമ്മേളനം ,മാര്‍ച്ച് 02 ന് ഡയറക്ടര്‍ ബോര്‍ഡംഗം ഹരികുമാര്‍ കോയിക്കലും ഉദ്ഘാടനം ചെയ്യും. പാലാ മീഡിയ സെന്ററില്‍ നടന്ന വാര്‍ത്ത സമ്മേളനത്തില്‍ nss താലൂക്ക് യൂണിയന്‍ ചെയര്‍മാന്‍ മനോജ് ബി നായര്‍,ഭരണസമതി അംഗങ്ങളായ കെ.ഒ. വിജയകുമാര്‍, N. ഗോപകുമാര്‍, ഉണ്ണി കുളപ്പുറം എന്നിവര്‍പങ്കെടുത്തു.
.webp)
0 Comments