ഉഴവൂര്‍ സെന്റ് സ്റ്റീഫന്‍സ് കോളേജില്‍ ടെക്‌സ്‌പോ SSC ഉഴവൂര്‍ വിദ്യാഭ്യാസ പ്രദര്‍ശനം ജനുവരി 9 മുതല്‍ 11 വരെ നടക്കും. ഉഴവൂര്‍ സെന്റ് സ്റ്റീഫന്‍സ് കോളേജും ലെനോവ എഡ്യൂക്കേഷണല്‍ സര്‍വീസും ചേര്‍ന്നാണ് ടെക്‌സ്‌പോ എസ്.എസ്.സി വിദ്യാഭ്യാസ പ്രദര്‍ശനം സംഘടിപ്പിക്കുന്നത്. കോളേജ് മാനേജര്‍ ഫാ.അബ്രഹാം പറമ്പേട്ട് എക്‌സിബിഷന്‍ ഉദ്ഘാടനം ചെയ്യും. സ്‌കൂള്‍, കോളേജ് കരിക്കുലത്തിന്റെ ഭാഗമായ ആശയങ്ങളും, ശാസ്ത്ര സാങ്കേതിക രംഗങ്ങളിലെ നവീന വികാസങ്ങളുമാണ് പ്രദര്‍ശനത്തില്‍ അവതരിപ്പിക്കുന്നത്
. വിവിധ തരം റോബോട്ടുകള്‍, വെര്‍ച്വല്‍ റിയാലിറ്റി, പ്ലാനറ്റോറിയം, ഐ.എസ്.ആര്‍.ഒ എക്‌സിബിഷന്‍, അപൂര്‍വ സ്റ്റാമ്പ് നാണയ കളക്ഷന്‍, കേരള പോലീസിന്റെ ബോംബ് - ഡോഗ് - ഫോറന്‍സിക്- സൈബര്‍ സെല്‍ -എക്‌സിബിഷന്‍, കൃഷിവകുപ്പ് സ്റ്റാളുകള്‍, വിദ്യാര്‍ഥികള്‍ക്കായി ശാസ്ത്ര മേള, ഫണ്‍ ഗെയിംസ് ഫുഡ് സ്റ്റാളുകള്‍, മാജിക് ഷോ തുടങ്ങി ഒട്ടനവധി ആകര്‍ഷണങ്ങളും ഒരുക്കുന്നു.'ഗ്രാമമിത്ര ക്യാമ്പസ്' എന്ന സങ്കല്പത്തെ മുന്‍നിര്‍ത്തി നൂതന സാങ്കേതിക വിദ്യകളുടെ അറിവുകളും അനുഭവങ്ങളും പകര്‍ന്നു കൊടുക്കുവാന്‍ ലക്ഷ്യമിട്ടാണ് ഉഴവൂര്‍ സെന്റ് സ്റ്റീഫന്‍സ് കോളേജില്‍ പ്രദര്‍ശനം ഒരുക്കുന്നത്. വിശദ വിവരങ്ങള്‍ക്ക് 9349802181, 8943865890 എന്ന നമ്പറുകളില്‍ ബന്ധപ്പെടണം. വാര്‍ത്താ സമ്മേളനത്തില്‍ കോളേജ് പ്രിന്‍സിപ്പല്‍ ഡോക്ടര്‍ സിന്‍സി ജോസഫ്, വൈസ് പ്രിന്‍സിപ്പല്‍ ഡോക്ടര്‍ തോമസ് കെ.സി, എക്‌സിബിഷന്‍ കോ-ഓര്‍ഡിനേറ്റര്‍ ക്യാപ്റ്റന്‍ ജെയിസ് കുര്യന്‍, പബ്ലിസിറ്റി കണ്‍വീനര്‍ ബ്ലെസി പി ജെയിംസ്, ലൈബ്രറേറിയന്‍ ജാസുമുദീന്‍ എസ്, എന്നിവര്‍ പങ്കെടുത്തു.
.webp)
0 Comments