.webp)
അരുവിത്തുറ സെന്റ് ജോര്‍ജ് കോളേജിന്റെ ഡയമണ്ട് ജൂബിലിയോട് അനുബന്ധിച്ച് 75 വിദ്യാര്‍ത്ഥികള്‍ രക്തദാനം നടത്തി. കോളേജ് എന്‍.എസ്. എസ് യൂണിറ്റ് ഈരാറ്റുപേട്ട ലയണ്‍സ് ക്ലബ്ബിന്റെയും പാലാ ബ്ലഡ് ഫോറത്തിന്റെയും സഹകരണത്തോടെയാണ് മെഗാ രക്തദാന ക്യാമ്പ് സംഘടിപ്പിച്ചത്. കോളേജ് പ്രിന്‍സിപ്പല്‍ പ്രൊഫ. ഡോ . സിബി ജോസഫ് അദ്ധ്യക്ഷത വഹിച്ച യോഗത്തില്‍ ഈരാറ്റുപേട്ട മുനിസിപ്പല്‍ ചെയര്‍പേഴ്‌സണ്‍ സുഹ്‌റ അബ്ദുല്‍ ഹാദര്‍ ക്യാമ്പ് ഉദ്ഘാടനം നിര്‍വ്വഹിച്ചു. ഉദ്ഘാടന യോഗത്തില്‍ വെച്ച് കോളേജില്‍ നിന്നും രക്തദാനത്തിനു തയ്യാറായ വിദ്യാര്‍ത്ഥികളുടെ വിവരങ്ങള്‍ വെച്ച് തയ്യാറാക്കിയ രക്ത ദാന ഡയറക്ടറിയുടെ പ്രകാശനവും നടന്നു. ലയണ്‍സ് ഇന്റര്‍നാഷണല്‍ ചീഫ് പ്രോജക്ട് കോര്‍ഡിനേറ്റര്‍ സിബി പ്ലാത്തോട്ടം വിഷയാവതരണം നടത്തി.
പാലാ ബ്ലഡ് ഫോറം ജനറല്‍ കണ്‍വീനര്‍ ഷിബു തെക്കേമറ്റം രക്തദാന സന്ദേശം നല്‍കി. കോളേജ് ബര്‍സാര്‍ ഫാ. ബിജു കുന്നയ്ക്കാട്ട് , വൈസ് പ്രിന്‍സിപ്പല്‍ ഡോ. ജിലു ആനി ജോണ്‍, ഈരാറ്റുപേട്ട ലയണ്‍സ് ക്ലബ് പ്രസിഡന്റ് സജി പുറപ്പന്താനം, എന്‍ എസ് എസ് പ്രോഗ്രാം ഓഫീസര്‍മാരായ ഡോ. ഡെന്നി തോമസ്, മരിയ തോമസ് എന്നിവര്‍ ആശംസകള്‍ നേര്‍ന്നു സംസാരിച്ചു. ലയണ്‍സ് - എസ്. എച്ച് മെഡിക്കല്‍ സെന്റര്‍ ബ്ലഡ് ബാങ്ക് കോട്ടയവും കാരിത്താസ് - മാതാ ബ്ലഡ് ബാങ്ക് തെള്ളകവും ആണ് രക്തദാന ക്യാമ്പ് നയിച്ചത്. ക്യാമ്പിന് സിസ്റ്റര്‍ അനിലിറ്റ് എസ് എച്ച് , റെജിമോള്‍ കാരിത്താസ് മാതാ, ഡോക്ടര്‍ റിച്ചി, ഡോക്ടര്‍ റിയ, വോളന്റിയര്‍ സെക്രട്ടറിമാരായ അലന്‍ ജോര്‍ജ്, അഡോണിസ് തോമസ്, ഫിദ ഫര്‍സീന്‍, ഈരാറ്റുപേട്ട ലയണ്‍സ് ക്ലബാംഗം ബിനോയി . സി. ജോര്‍ജ് എന്നിവര്‍ ക്യാമ്പിന് നേതൃത്വം നല്‍കി.
.webp)
.webp&description= 75 വിദ്യാര്‍ത്ഥികള്‍ രക്തദാനം നടത്തി){kind=link}
0 Comments