ഏറ്റുമാനൂര്‍ മഹാദേവക്ഷേത്രത്തിലെ ആറാം ഉത്സവദിനമായ മാര്‍ച്ച് നാലിന് അഖില കേരള ചേരമര്‍ ഹിന്ദു മഹാസഭ കോട്ടയം താലൂക്ക് യൂണിയന്റ ആഭിമുഖ്യത്തില്‍ ദേശ താലപ്പൊലി ഘോഷയാത്രയും സാംസ്‌കാരിക സമ്മേളനവും നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഏറ്റുമാനൂര്‍ പാലാ റോഡിലെ കോണിക്കല്‍ ജംഗ്ഷനില്‍ വൈകുന്നേരം 5. 30 -ന് നടക്കുന്ന സാംസ്‌കാരിക സമ്മേളനം തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്യും. യൂണിയന്‍ പ്രസിഡന്റ് രാജേഷ് വള്ളിക്കാട് അധ്യക്ഷത വഹിക്കും.
സംസ്ഥാന പ്രസിഡന്റ് വി.ടി. വിനീഷ് കല്ലറ മുഖ്യ പ്രഭാഷണം നടത്തും.നഗരസഭ പ്രതിപക്ഷ നേതാവ് ഇ. എസ്.ബിജു സന്ദേശം നല്‍കും. യൂണിയന്‍ സെക്രട്ടറി വി.ടി. സജീവ് അനുഗ്രഹ പ്രഭാഷണം നടത്തും. 6 30-ന് മുണ്ടമറ്റം ജംഗ്ഷനില്‍ നിന്നും പഴയ പാലാ റോഡ് വഴി പേരൂര്‍ കവല,സെന്‍ട്രല്‍ ജംഗ്ഷന്‍ ചുറ്റി പടിഞ്ഞാറെ നടവഴി ഘോഷയാത്ര ക്ഷേത്ര സന്നിധിയില്‍ എത്തിച്ചേരും. ഏറ്റുമാനൂര്‍ പ്രസ് ക്ലബ്ബില്‍ നടന്ന വാര്‍ത്ത സമ്മേളനത്തില്‍ താലപ്പൊലി കോ-ഓര്‍ഡിനേറ്റര്‍ കെ.സി. ഷാജി, രാജേഷ് വള്ളിക്കാട്, ടി.കെ. ചന്ദ്രബാബു, ബിജുവാസു , സന്തോഷ് പുന്നത്തുറ എന്നിവര്‍ പങ്കെടുത്തു.
.jpg)
0 Comments