എരുമേലിയില്‍ വച്ച് തീര്‍ത്ഥാടകന്റെ തോള്‍ സഞ്ചി കീറി മോഷണം നടത്തിയ കേസില്‍ ഒരാളെ പോലീസ് അറസ്റ്റ് ചെയ്തു. തമിഴ്‌നാട് ഗൂഡല്ലൂര്‍ സ്വദേശിയായ ഈശ്വരന്‍ എന്നയാളെയാണ് എരുമേലി പോലീസ് അറസ്റ്റ് ചെയ്തത്. കഴിഞ്ഞമാസം ആറാം തീയതി വെളുപ്പിനെ ഒരുമണിയോടുകൂടി എരുമേലി കൊച്ചമ്പലത്തില്‍ നിന്നും ദര്‍ശനം നടത്തി വരുന്ന സമയം ഇയാള്‍ അയ്യപ്പഭക്തന്റെ ഷോള്‍ഡര്‍ ബാഗ് കീറി അതിലുണ്ടായിരുന്ന 27,000 മോഷ്ടിച്ച് കടന്നുകളയുകയായിരുന്നു.
പരാതിയെ തുടര്‍ന്ന് എരുമേലി പോലീസ് കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ ശാസ്ത്രീയമായ പരിശോധനയില്‍ മോഷ്ടാവിനെ തിരിച്ചറിയുകയും തുടര്‍ന്ന് നടത്തിയ തിരിച്ചിലില്‍ ഇയാളെ തമിഴ്‌നാട്ടില്‍ നിന്നും പിടികൂടുകയുമായിരുന്നു. എരുമേലി സ്റ്റേഷന്‍ എസ്.ഐ രാജേഷ്, സി.പി.ഓ മാരായ മനോജ്, ബോബി, അരുണ്‍രാജ് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്.
.webp)
.webp)
0 Comments