കടുത്തുരുത്തി വലിയ പള്ളിയില്‍ മൂന്ന് നോമ്പ് തിരുനാളിന് ഫെബ്രുവരി 9 ഞായറാഴ്ച്ച കൊടിയേറും. ഫെബ്രുവരി 9 രാവിലെ 6.45 ന് വികാരി ഫാ.തോമസ് ആനിമൂട്ടില്‍ കൊടിയേറ്റിന് മുഖ്യകാര്‍മികത്വം വഹിക്കും. പാട്ടുകുര്‍ബാനയ്ക്ക് അതിരൂപത പ്രൊക്യുറേറ്റര്‍ ഫാ.ഏബ്രഹാം പറമ്പേട്ട് കാര്‍മികത്വം വഹിക്കും. ഫെബ്രുവരി 11, 12 തീയതികളില്‍ പ്രധാന തിരുനാളാഘോഷം നടക്കും. 11 ന് രാത്രി 8.30ന് ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് തിരുനാള്‍ സന്ദേശം നല്‍കും.
.
. ഒമ്പതിന് ആരംഭിക്കുന്ന പുറത്ത് നമസ്‌ക്കാരത്തിന് ആര്‍ച്ച് ബിഷപ്പ് മാര്‍ മാത്യു മൂലക്കാട്ട് മുഖ്യകാര്‍മികത്വം വഹിക്കും. 12 ന് രാവിലെ തിരുനാള്‍ റാസ ഫാ.ജോസ് തറപ്പുതൊട്ടിയില്‍ മുഖ്യകാര്‍മികത്വം വഹിക്കും. ഫാ.വിന്‍സണ്‍ കുരുട്ടുപ്പറമ്പില്‍ തിരുനാള്‍ സന്ദേശം നല്‍കും. തിരുനാളിനോടുനുബന്ധിച്ചുള്ള ഒരുക്കങ്ങള്‍ പൂര്‍ത്തിയായതായി വികാരി ഫാ.തോമസ് ആനിമൂട്ടില്‍ കടുത്തുരുത്തി പ്രസ്സ് ക്ലബ്ബില്‍ നടന്ന വാര്‍ത്താസമ്മേളത്തില്‍ അറിയിച്ചു. തിരുനാള്‍ ക്രമീകരണങ്ങളെ കുറിച്ചുള്ള ആലോചനായോഗം ശനിയാഴ്ച രാവിലെ പത്തിന് പള്ളി ഹാളില്‍ നടക്കും. സഹ വികാരി ഫാ.സന്തോഷ് മുല്ലമംഗലത്ത്, സാബു മുണ്ടകപ്പറമ്പില്‍, പ്രസുദേന്തിമാരായ അന്‍കൂര്‍ ചാക്കോച്ചന്‍, ആഷിര്‍ ചാക്കോച്ചന്‍ തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
.webp)
.webp)
0 Comments