കുറുപ്പുന്തറയില്‍ വീടിന്റെ വാതില്‍ തകര്‍ത്ത് അകത്തു കയറിയ മോഷ്ടാക്കള്‍ 20 പവന്‍ അപഹരിച്ചു.

കുറുപ്പുന്തറയില്‍  വീടിന്റെ വാതില്‍  തകര്‍ത്ത് അകത്തു കയറിയ മോഷ്ടാക്കള്‍ 20 പവന്‍ അപഹരിച്ചു. ആനിത്തോട്ടത്തില്‍ സേവ്യറിന്റെ വീട്ടിലാണ് മോഷണം നടന്നത് . സേവ്യറും ഭാര്യ ലീലാമ്മയും സമീപത്തെ വീട്ടില്‍ ആയിരുന്നു. 

.

. രാവിലെ വീട്ടിലെത്തിയപ്പോഴാണ് മോഷണ വിവരം അറിയുന്നത്. വീടിന്റെ മുന്‍വശത്തെ വാതില്‍ തകര്‍ത്താണ് മോഷണം. അലമാരയില്‍ ഉണ്ടായിരുന്ന സാധനങ്ങള്‍ വലിച്ചുവാരിയിട്ട നിലയിലാണ്. അലമാരയുടെ താക്കോല്‍ എടുത്ത് സ്വര്‍ണം മോഷ്ടിക്കുകയായിരുന്നു.  കടുത്തുരുത്തി പോലീസ് മേല്‍ നടപടികള്‍ സ്വീകരിച്ചു. വിരലടയാള വിദഗ്ധരും, ഡോഗ് സ്‌കോഡും പരിശോധന നടത്തി. മോഷണത്തിന്റെ CCTV ദൃശ്യങ്ങള്‍ ലഭിച്ചിട്ടുണ്ട്.