കണ്‍സ്ട്രക്ഷന്‍ എക്യുപ്‌മെന്റ് ഓണേഴ്‌സ് അസോസിയേഷന്‍ പാലാ മേഖലാ സമ്മേളനവും കുടുംബ സംഗമവും

കണ്‍സ്ട്രക്ഷന്‍ എക്യുപ്‌മെന്റ് ഓണേഴ്‌സ് അസോസിയേഷന്‍ കോട്ടയം ജില്ല കമ്മറ്റിയുടെ നേതൃത്വത്തില്‍ പാലാ മേഖലാ സമ്മേളനവും കുടുംബ സംഗമവും ആശ്രയ ഫണ്ട് കൈമാറലും പാലായില്‍ നടന്നു. അഞ്ചേരി ഓഡിറ്റോറിയത്തില്‍ നടന്ന സമ്മേളനം മാണി C കാപ്പന്‍ MLA  ഉദ്ഘാടനം ചെയ്തു. കോട്ടയം ജില്ലാ പ്രസിഡന്റ് സുബാഷ് പൈക അധ്യക്ഷനായിരുന്നു.

CEOA സംഘടനയില്‍ അംഗമായിരുന്ന അന്തരിച്ച  SKR അനിയുടെ  കുടുംബത്തിന് ആശ്രയ പദ്ധതി പ്രകാരം നല്‍കുന്ന 5 ലക്ഷം രൂപ ധനസഹായം സമ്മേളനത്തില്‍ വച്ച് കൈമാറി.  സംസ്ഥാന ജില്ലാ മേഖലാ ഭാരവാഹികളെ ആദരിച്ചു. സമ്മേളനത്തില്‍ CEOA സംസ്ഥാന പ്രസിഡന്റ് ജിജി കടവില്‍, സംസ്ഥാന സെക്രട്ടറി സമീര്‍ ബാബു , സംസ്ഥാന ട്രഷറര്‍ അനില്‍ പൗഡിക്കോണം,  ജില്ലാ സെക്രട്ടറി അരുണ്‍ കുളംമ്പള്ളില്‍, വൈസ് പ്രസിഡന്റ് അനൂപ്, ട്രഷറര്‍ ബിജുമോന്‍ KS, പാലാ മേഖലാ പ്രസിഡന്റ് ജിനീഷ് കട്ടച്ചിറ, മേഖലാ സെക്രട്ടറി വരുണ്‍ഘോഷ് തുടങ്ങിയവര്‍ പ്രസംഗിച്ചു.