.webp)
രാമപുരത്ത് നാലമ്പല ദര്‍ശന തീര്‍ത്ഥാടനം സുഗമമാക്കുന്നതിന് KSRTC യുടെ വിവിധ ഡിപ്പോകളില്‍ നിന്നും പ്രത്യേക സര്‍വ്വീസ് നടത്താന്‍ നേതൃത്വം നല്‍കിയ ബഡ്ജറ്റ് ടൂറിസം കോര്‍ഡിനേറ്റര്‍മാരെ ആദരിച്ചു. രാമപുരം ശ്രീരാമസ്വാമി ക്ഷേത്ര ഉത്സവത്തോടനുബന്ധിച്ചാണ് നാലമ്പല ദര്‍ശന കമ്മറ്റി അനുമോദനചടങ്ങ് സംഘടിപ്പിച്ചത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, പാലക്കാട്, ഇടുക്കി എന്നീ ജില്ലകളിലെ 42 ഡിപ്പോകളില്‍ നിന്നും രാമപുരത്തേക്ക് 72 സര്‍വ്വീസുകളാണ് KSRTC നടത്തിയത്. വെളുപ്പിന് 5 മണി മുതലേ കെ.എസ്.ആര്‍.ടി.സി. ബസുകള്‍ തീര്‍ത്ഥാടകരെയുമായി ക്ഷേത്രങ്ങളില്‍ എത്തിയിരുന്നു.
ഏറ്റവും കൂടുതല്‍ ട്രിപ്പുകള്‍ അയച്ച വൈക്കം കോര്‍ഡിനേറ്റര്‍ ശ്യാംദാസ് പി, വെഞ്ഞാറംമൂട് കോര്‍ഡിനേറ്റര്‍ രാജേഷ് ഐ.എസ്., മാവേലിക്കര കോര്‍ഡിനേറ്റര്‍ രമ്യ ആര്‍.എസ്., തിരുവനന്തപുരം ജില്ലാ കോര്‍ഡിനേറ്റര്‍ വി.എ. ജയകുമാര്‍, കൊല്ലം ജില്ലാ കോര്‍ഡിനേറ്റര്‍ മോനായി ജെ. കൃഷ്ണ, മികച്ച കോര്‍ഡിനേഷന് നേതൃത്വം നല്‍കിയ ബി.റ്റി.സി. സ്റ്റേറ്റ് കോര്‍ഡിനേറ്റര്‍ സുനില്‍ കുമാര്‍ ആര്‍., സെന്‍ട്രല്‍ സോണ്‍ കോര്‍ഡിനേറ്റര്‍ അനീഷ് ആര്‍. കോട്ടയം, എറണാകുളം ജില്ലാ കോര്‍ഡിനേറ്റര്‍ പ്രശാന്ത് വേലിക്കകം എന്നിവര്‍ക്കാണ് അനുമോദനം നല്‍കിയത്. നാലമ്പല ദര്‍ശന കമ്മിറ്റി പ്രസിഡന്റ് അഡ്വ. എ.ആര്‍. ബുദ്ധന്‍ . മൊമെന്റോ നല്‍കി. നാലമ്പല ദര്‍ശന കമ്മിറ്റി സെക്രട്ടറി പി.ആര്‍. രാമന്‍ നമ്പൂതിരി, പ്രദീപ് അമനകരമന, വി. സോമനാഥന്‍ നായര്‍ അക്ഷയ, പി.പി. നിര്‍മ്മലന്‍, ശ്രീകുമാര്‍ കൂടപ്പുലം, ഉണ്ണികൃഷ്ണന്‍ നായര്‍ കൂടപ്പുലം, വിഷ്ണു കൊണ്ടൂര്‍മന, സത്യന്‍ പുതിയിടത്തുമന എന്നിവര്‍ പ്രസംഗിച്ചു.
.webp)
.jpg)
.jpg)
.webp&description=KSRTC ബഡ്ജറ്റ് ടൂറിസം കോര്‍ഡിനേറ്റര്‍മാരെ ആദരിച്ചു. ){kind=link}
0 Comments