ഏറ്റുമാനൂര്‍ എസ്എംഎസ്എം പബ്ലിക് ലൈബ്രറിയെ ഹരിത ഗ്രന്ഥ ശാലയമായി പ്രഖ്യാപിച്ചു. ഏറ്റുമാനൂര്‍ മുനിസിപ്പല്‍ കൗണ്‍സില്‍ ചെയര്‍പേഴ്‌സണ്‍ ലൗലി ജോര്‍ജ് പടികര ഹരിത ഗ്രന്ഥശാല പ്രഖ്യാപനം നിര്‍വഹിച്ചു. ശുചിത്വ കേരളം സുസ്ഥിര കേരളം എന്ന പ്രഖ്യാപിത ലക്ഷ്യത്തോടെ കേരളം പൂര്‍ണ്ണ ശുചിത്വ സംസ്ഥാനമാക്കി മാറ്റുന്നതിനായി സര്‍ക്കാര്‍ പ്രഖ്യാപിച്ചിട്ടുള്ള മാലിന്യമുക്തം നവകേരളം പദ്ധതിയുടെ ഭാഗമായാണ് ലൈബ്രറി ഹരിത ഗ്രന്ഥശാലയാകുന്നത്.
ലൈബ്രറി പരിസരവും , സമീപ പ്രദേശങ്ങളും ഹരിതാഭമാക്കുന്നതോടൊപ്പം, മാലിന്യമുക്ത ബോധവത്കരണം, ലൈബ്രറി അംഗങ്ങളുടെ വീടുകള്‍ മാതൃക ശുചിത്വ ഭവനങ്ങളാക്കല്‍ തുടങ്ങിയ പ്രവര്‍ത്തനങ്ങളാണ് ലൈബ്രറി എറ്റെടുക്കുന്നത്. ലൈബ്രറി ശതാബ്ദി ആഡിറ്റോറിയത്തില്‍ നടന്ന ഹരിത പ്രഖ്യാപന ചടങ്ങില്‍ ലൈബ്രറി പ്രസിഡന്റ് ജി. പ്രകാശ് അധ്യക്ഷനായിരുന്നു. സെക്രട്ടറി അഡ്വ പി. രാജീവ് ചിറയില്‍, കൗണ്‍സിലര്‍ രശ്മി ശ്യാം, കോട്ടയം താലൂക്ക് ലൈബ്രറി കൗണ്‍സില്‍ സെക്രട്ടറി ഷൈജു തെക്കുംചേരി, കമ്മറ്റി അംഗം ഡോ. വി.ആര്‍ ജയചന്ദ്രന്‍, സാഹിത്യകാരന്‍ സെബാസ്റ്റ്യന്‍ വലിയ കാല, ശ്രീമൂലം നേച്ചര്‍ ക്ലബ്ബ് ഭാരവാഹികളായ ജെയിംസ് പുളിയ്ക്കന്‍, എ.പി സുനില്‍, എ.സി ജോസ്, രാജു എബ്രഹാം തുടങ്ങിയവര്‍ പ്രസംഗിച്ചു.
.jpg)
0 Comments