.webp)
ഏറ്റുമാനൂര്‍ കോടതിയുടെ പരിധിയില്‍ നിന്നും , ഗാന്ധിനഗര്‍ പോലീസ് സ്റ്റേഷന്‍ മാറ്റാനുള്ള നീക്കത്തിനെതിരെ പ്രതിഷേധവുമായി അഭിഭാഷകര്‍, കോടതി ബഹിഷ്‌കരിച്ച് സമരം നടത്തും. ഏറ്റുമാനൂര്‍ ഫസ്റ്റ് ക്ലാസ്ജുഡീഷ്യല്‍ മജിസ്ട്രേറ്റ് കോടതിയുടെ കീഴില്‍ വരുന്ന ഗാന്ധിനഗര്‍ പോലീസ് സ്റ്റേഷന്‍, കോട്ടയം ഫസ്റ്റ് ക്ലാസ്ജുഡീഷ്യല്‍ മജിസ്ട്രേറ്റ് കോടതി രണ്ടിലേക്ക് മാറ്റാനുള്ള നടപടിക്കെതിരെ ശക്തമായ സമരപരിപാടികള്‍ ആരംഭിക്കുമെന്ന് ഏറ്റുമാനൂര്‍ ബാര്‍ അസോസിയേഷന്‍ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഇതിന്റെ ഭാഗമായി ബുധനാഴ്ച അഭിഭാഷകര്‍ കോടതി ബഹിഷ്‌കരിക്കും. രാവിലെ 10-മുതല്‍ വൈകിട്ട് അഞ്ച്വരെ കോടതി പരിസരത്ത് ഉപവാസ സമരം നടത്തും.
11- മണിക്ക് അഡ്വക്കേറ്റുമാര്‍ യൂണിഫോം ധരിച്ച് ഏറ്റുമാനൂര്‍ ടൗണില്‍ പ്രകടനം നടത്തും. ഗാന്ധിനഗര്‍ പോലീസ് സ്റ്റേഷന്‍ ഏറ്റുമാനൂര്‍ കോടതിയുടെ പരിധിയില്‍ നിന്നും മാറ്റുന്നത് അഡ്വക്കേറ്റ്മാര്‍ക്കും പൊതു ജനങ്ങള്‍ക്കും വളരെയേറെ ബുദ്ധിമുട്ടുകളും കഷ്ടനഷ്ടങ്ങളും വരുത്തി വയ്ക്കുമെന്ന് ഭാരവാഹികള്‍ പറഞ്ഞു. 2023-ല്‍ കോട്ടയം ബാര്‍ അസോസിയേഷന്‍ ഗാന്ധിനഗര്‍ പോലീസ് സ്റ്റേഷന്‍ കോട്ടയം കോടതിയിലേക്ക് മാറ്റണമെന്ന് ആവശ്യപ്പെട്ടിരുന്നു. ഇതിനെ ഏറ്റുമാനൂര്‍ ബാര്‍ അസോസിയേഷന്‍ ശക്തമായി എതിര്‍ത്തിരുന്നു . പകരം ജുവനൈല്‍ കോടതിയുടെ ചാര്‍ജ് കോട്ടയം കോടതിക്ക് നല്‍കാമെന്ന് അറിയിക്കുകയും ചെയ്തിരുന്നു. കോടതി മാറ്റവുമായി ബന്ധപ്പെട്ട നിലവില്‍ ഹൈക്കോടതിയില്‍ ഏറ്റുമാനൂര്‍ ബാര്‍ അസോസിയേഷന്‍ ഭാരവാഹികള്‍ റിട്ട് പെറ്റീഷന്‍ ഫയല്‍ ചെയ്തിട്ടുണ്ട് .2023-ല്‍ഏറ്റുമാനൂര്‍ കോടതിയില്‍ ഉണ്ടായിരുന്ന 11,000 കേസുകള്‍ 3500 ആയി കുറഞ്ഞു. ഇതിനെ തുടര്‍ന്ന് ഗാന്ധിനഗര്‍ ഏറ്റുമാനൂരില്‍ നിലനിര്‍ത്തുമെന്ന് ഉറപ്പ് ലഭിച്ചിരുന്നതാണന്ന് ഭാരവാഹികള്‍ പറഞ്ഞു. വാര്‍ത്താ സമ്മേളനത്തില്‍ ഏറ്റുമാനൂര്‍ ബാര്‍അസോസിയേഷന്‍ പ്രസിഡണ്ട് അഡ്വ.സിബി വെട്ടൂര്‍,സെക്രട്ടറി അഡ്വ.കെ. ആര്‍ .മനോജ് കുമാര്‍,വൈസ് പ്രസിഡന്റ് അഡ്വ.ജെസ്സി മോള്‍ ജോസഫ്, ട്രഷറര്‍ അഡ്വ. ജയ്സണ്‍ ജോസഫ് എന്നിവര്‍ പങ്കെടുത്തു
.webp)
.webp&description=പ്രതിഷേധവുമായി അഭിഭാഷകര്‍,){kind=link}
0 Comments