കടുത്തുരുത്തി ഗവണ്‍മെന്റ് പോളിടെക്നിക് കോളജിന്റെ ഒരു വര്‍ഷം നീണ്ടു നില്‍ക്കുന്ന രജത ജൂബിലിയാഘോഷങ്ങള്‍ക്ക് ശനിയാഴ്ച തുടക്കമാകും. മന്ത്രി വി എന്‍ വാസവന്‍ ജൂബിലി ആഘോഷ പരിപാടികള്‍ ഉദ്ഘാടനം ചെയ്യും. മോന്‍സ് ജോസഫ് എംഎല്‍എ അധ്യക്ഷനായിരിക്കും. ഉന്നത വിദ്യാഭ്യാസ വകുപ്പ് മന്ത്രി ഡോ.ആര്‍. ബിന്ദു ഓണ്‍ലൈനില്‍ സന്ദേശം നല്‍കും. ഡിജിറ്റല്‍ സാക്ഷരതാ യജ്ഞം ഉദ്ഘാടനം ഫ്രാന്‍സീസ് ജോര്‍ജ് എംപിയും അലുമിനി അസ്സോസിയേഷന്‍ ഉദ്ഘാടനം ജോസ് കെ.മാണി എംപിയും നിര്‍വഹിക്കും. ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗര്‍ മുഖ്യപ്രഭാഷണം നടത്തും.
സാങ്കേതിക വിദ്യാഭ്യാസ വകുപ്പ് ഡയറക്ടര്‍ ഡോ. പി.ആര്‍. ഷാലിജ് രജത ജൂബിലി സന്ദേശം നല്‍കും. പ്രിന്‍സിപ്പള്‍ സി.എം. ഗീത, ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തന്‍കാലാ, കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് ജോണ്‍സണ്‍ കൊട്ടുകാപ്പള്ളി, പഞ്ചായത്ത് പ്രസിഡന്റ് എന്‍.ബി. സ്മിത, ജില്ലാ പഞ്ചായത്തംഗം ടി.എസ്. ശരത്, ജനപ്രതിനിധികളായ പി.കെ. സന്ധ്യ, ജിന്‍സി എലിസബത്ത്, സെലിനാമ്മ ജോര്‍ജ്, നോബി മുണ്ടയ്ക്കന്‍, സ്റ്റീഫന്‍ പാറാവേലി, കെ.എന്‍. സീമ, പി.സോളമന്‍, അനി ഏബ്രഹാം തുടങ്ങിയവര്‍ പ്രസംഗിക്കും.. ഉദ്ഘാടന സമ്മേളനത്തോടുനുബന്ധിച്ചു പൂര്‍വവിദ്യാര്‍ഥി സംഗമം, കലാപരിപാടികള്‍ എന്നിവയും ഉണ്ടായിരിക്കും. വാര്‍ത്താ സമ്മേളനത്തില്‍ സ്വാഗതസംഘം രക്ഷാധികാരി മോന്‍സ് ജോസഫ് എംഎല്‍എ, സ്വാഗതസംഘം ചെയര്‍മാന്‍ പി.വി. സുനില്‍, പഞ്ചായത് പ്രസിഡന്റ് എന്‍.പി. സ്മിത, പ്രിന്‍സിപ്പല്‍ ഗീത, വാര്‍ഡ് മെമ്പര്‍ നോബി മുണ്ടയ്ക്കല്‍, ത്രിഗുണസന്‍ എന്നിവര്‍ പങ്കെടുത്തു. രജതജൂബിലി ആഘോഷങ്ങളുടെ വിളംബര റാലിയും നടന്നു.
.webp)
0 Comments