.jpg)
ലഹരിവസ്തുക്കളുടെ ഉപയോഗത്തിലൂടെ കുടുംബങ്ങളിലെ കെട്ടുറുപ്പ് കുറഞ്ഞു പോകുകയാണെന്നും മാരകമായ വിപത്തുകള്‍ ഉണ്ടാകാതിരിക്കാന്‍ മാതാപിതാക്കളും സമൂഹവും കൂടുതല്‍ ജാഗ്രത പുലര്‍ത്തണമെന്നും മാര്‍ ജോസഫ് കല്ലറങ്ങാട്ട്. കെ.സി.ബി.സി പ്രോലൈഫ് സമിതിയുടെ പ്രോലൈഫ് ദിനാഘോഷം ഉദ്ഘാടനം ചെയ്ത്ത് സംസാരിക്കുകയായിരുന്നു ബിഷപ്പ്. ഇന്ന് ജീവനെ ഹനിക്കുന്ന ശക്തികള്‍ പിടിമുറുക്കിയിരിക്കുന്നതിനാല്‍ പ്രോലൈഫ് പ്രവര്‍ത്തകരുടെ ജോലിയും ഉത്തരവാദിത്വവും പതിന്മടങ്ങ് വര്‍ദ്ധിച്ചിരിക്കുകയാണെന്ന് ബിഷപ്പ് ഓര്‍മ്മിപ്പിച്ചു. കെ.സി.ബി.സി പ്രോലൈഫ് സമിതി ചെയര്‍മാന്‍ ബിഷപ്പ് ഡോ. പോള്‍ ആന്റണി മുല്ലശ്ശേരി ചടങ്ങിന് അദ്ധ്യക്ഷത വഹിച്ച് സംസാരിച്ചു.
വേദനകളുടെയും കിരാതമായ കൊലപാതകങ്ങളുടെയും കാലങ്ങള്‍ അവസാനിപ്പിക്കാന്‍ ഒന്നായി പരി ശ്രമിക്കാമെന്ന് അദ്ധ്യക്ഷപ്രസംഗത്തില്‍ അദ്ദേഹം ചൂണ്ടിക്കാട്ടി. പാലാ രൂപത ഫാമിലി അപ്പോസ്തലേറ്റ് ഡയറക്ടര്‍ റവ. ഫാ. ജോസഫ് നരിതൂക്കില്‍ ഏവര്‍ക്കും സ്വാഗതം ആശംസിച്ചു. കെ.സി.ബി.സി പ്രോലൈഫ് ഡയറക്ടര്‍ റവ.ഫാ. ക്ലീറ്റസ് കതിര്‍പറ മ്പില്‍, ശ്രീ. ജെയിംസ് ആഴ്ചങ്ങാടന്‍, ശ്രീ. ജോണ്‍സണ്‍ ചൂരേപറമ്പില്‍, ശ്രീ. സാബു ജോസ്, ജെസ്ലീന്‍ ജോ എന്നിവര്‍ ആശംസകള്‍ അര്‍പ്പിച്ചു സംസാരിച്ചു. ജീവന്റെ സമഗ്ര സംരക്ഷണത്തിനായി പ്രവര്‍ത്തിച്ച റവ.ഫാ. ജോസ് കോട്ടയില്‍, ഡോ.കു ര്യന്‍ മറ്റം, ശ്രീ. ജോയിസ് മുക്കുടം, റവ. സി. വനജ എസ്.എം.എസ്, ശ്രീ. സന്തോഷ് & മിനി മരിയസദനം, കുരുവിനാല്‍ പുന്നോലില്‍ ടോമി & അമ്പിളി എന്നിവരെ പ്രത്യേ കമായി അനുമോദിച്ചു. കെ.സി.ബി.സി പ്രോലൈഫ് ട്രഷറര്‍ ശ്രീ.ടോമി പ്ലാത്തോട്ടം ഏവര്‍ക്കും നന്ദി ആര്‍പ്പിച്ചു. രാവിലെ 8.45 ന് 2025 ലെ പ്രോലൈഫ് ആഘോഷപരിപാടികള്‍ക്ക് ആരംഭം കുറിച്ചു. പാലാ രൂപത വികാരി ജനറാള്‍ മോണ്‍ സെബാസ്റ്റ്യന്‍ വേത്താനത്ത് പരി ശുദ്ധ കുര്‍ബാന അര്‍പ്പിച്ച് സന്ദേശം നല്കി. പ്രോലൈഫ് എന്താണെന്നും പ്രോലൈഫ് പ്രവര്‍ത്തകരുടെ കടമകള്‍ എന്താണെന്നും ചൂണ്ടിക്കാണിക്കുന്ന ക്ലാസ്സു കള്‍ക്കും ചര്‍ച്ചകള്‍ക്കും റവ. ഡോ. ദേവ് കപ്പൂച്ചിന്‍, ശ്രീ. ജോര്‍ജ് എഫ്. സേവ്യര്‍ എന്നിവര്‍ നേതൃത്വം നല്കി.
.webp)
.jpg&description=കെ.സി.ബി.സി പ്രോലൈഫ് സമിതിയുടെ പ്രോലൈഫ് ദിനാഘോഷം ഉദ്ഘാടനം){kind=link}
0 Comments