കഞ്ചാവ് വില്‍പന നടത്തിയ രണ്ട് വെസ്റ്റ് ബംഗാള്‍ സ്വദേശികളെ പാലാ എക്‌സൈസ് അറസ്റ്റ് ചെയ്തു

പാലാ മുത്തോലിയില്‍ കഞ്ചാവ് വില്‍പന നടത്തിയ രണ്ട് വെസ്റ്റ് ബംഗാള്‍ സ്വദേശികളെ  പാലാ എക്‌സൈസ് അറസ്റ്റ് ചെയ്തു. കേരള സര്‍ക്കാരിന്റെ  'operation clean slate' മിഷന്റെ ഭാഗമായി പാലാ എക്‌സൈസ് റേഞ്ച് ഇന്‍സ്‌പെക്ടര്‍ ബി ദിനേശിന്റെ നേതൃത്വത്തില്‍ പാലാ  എക്‌സൈസ് റെയിഞ്ച് ടീം നടത്തിയ റെയ്ഡുകളിലാണ് 2 പേര്‍ പിടിയിലായത്.

 മുത്തോലിയില്‍ വിദ്യാഭ്യാസ സ്ഥാപനങ്ങള്‍ക്കു സമീപം കഞ്ചാവ് വില്പന നടത്തിയതുമായി ബന്ധപ്പെട്ടാണ്   വെസ്റ്റ് ബംഗാള്‍ കൊല്‍ക്കത്ത സ്വദേശികളായ ദിലീപ് (21), ദിവ്യേന്ദു (38)  എന്നിവരാണ് അറസ്റ്റിലായത്. ചെറിയ പാക്കറ്റുകളിലായി വില്പനയ്ക്ക് സൂക്ഷിച്ചു വച്ചിരുന്ന  കഞ്ചാവ് ഇവരില്‍ നിന്നും പിടികൂടി. റെയ്ഡില്‍ എക്‌സൈസ് ഇന്‍സ്‌പെക്ടര്‍ B ദിനേശ്, എക്‌സൈസ് ഇന്‍സ്‌പെക്ടര്‍ ഫിലിപ്പ് തോമസ്, പ്രിവന്‍ന്റീവ് ഓഫീസര്‍ രാജേഷ് ജോസഫ്, മനു ചെറിയാന്‍, സിവില്‍ എക്‌സൈസ് ഓഫീസര്‍മാരായ അച്ചു ജോസഫ്, ജയദേവന്‍, രഞ്ജു രവി, വനിത സിവില്‍ എക്‌സൈസ് ഓഫീസര്‍ സുജാത സി.ബി എന്നിവര്‍ പരിശോധനയില്‍ പങ്കെടുത്തു.