.jpg)
പേള്‍ ജൂബിലി ആഘോഷങ്ങള്‍ക്ക് തുടക്കം കുറിച്ചുകൊണ്ട് മാര്‍ ആഗസ്തീനോസ് കോളേജ് കള്‍ച്ചറല്‍ ഫിയസ്റ്റയും റാങ്ക് ഹോള്‍ഡേഴ്സ് മീറ്റും സംഘടിപ്പിച്ചു.1995ല്‍ കോളേജ് ആരംഭിച്ചതിന് ശേഷം അക്കാദമിക തലത്തില്‍ കോളേജിന്റെ യശസ്സ് ഉയര്‍ത്തിക്കൊണ്ട് ഒന്നും രണ്ടും മൂന്നും റാങ്കുകള്‍ കരസ്ഥമാക്കിയ 110 റാങ്ക് ജേതാക്കളെയാണ് കോളേജ് ആദരിച്ചത്. കഴിഞ്ഞ 30 വര്‍ഷ കാലയളവില്‍ യുജിസി അംഗീകാരവും,നാക് എ ഗ്രേഡും, നാഷണല്‍ ഇന്‍സ്റ്റിറ്റിയൂഷണല്‍ ഫ്രെയിം വര്‍ക്ക് (NIRF) ലും കേരള ഇന്‍സ്റ്റിട്യൂഷണല്‍ റാങ്കിങ് ഫ്രെയിം വര്‍ക്ക് (KIRF) ലും ഉയര്‍ന്ന റാങ്കും ISO സര്‍ട്ടിഫിക്കേഷനും കരസ്ഥമാക്കാന്‍ കോളേജ് കഴിഞ്ഞു.
വിജയാഘോഷ ചടങ്ങിന്റെ തുടര്‍ച്ചയായി ഇന്ത്യയിലെ വിവിധ സംസ്ഥാനങ്ങളിലെ സാംസ്‌കാരിക കലാരൂപങ്ങള്‍ ഉള്‍പ്പെടുത്തിക്കൊണ്ട് രണ്ട് മണിക്കൂര്‍ ദൈര്‍ഘ്യമുള്ള സംഗീത വിരുന്നും നൃത്താവിഷ്‌കരണവും അരങ്ങേറി. കോളേജ് മാനേജര്‍ റവ ഫാ ബെര്‍ക്മാന്‍സ് കുന്നുംപുറം അധ്യക്ഷത വഹിച്ചു. പേള്‍ ജൂബിലി ആഘോഷങ്ങള്‍ നാഷ്ണല്‍ യൂണിവേഴ്‌സിറ്റി ഓഫ് അഡ്വാന്‍സ്ഡ് ലീഗല്‍ സ്റ്റഡീസ് മുന്‍ വൈസ് ചാന്‍സലര്‍ ഡോ കെ സി സണ്ണി ഉദ്ഘാടനം ചെയ്തു. എം ജി യൂണിവേഴ്‌സിറ്റി രജിസ്ട്രാര്‍ ഡോ.ബിസ്മി ഗോപാലകൃഷ്ണന്‍ മുഖ്യപ്രഭാഷണം നടത്തി.
രാമപുരം ഗ്രാമ പഞ്ചായത്ത് പ്രസിഡന്റ് ലിസമ്മ മത്തച്ചന്‍, വൈസ് പ്രസിഡന്റ് സണ്ണി പൊരുന്നക്കോട്ട് എന്നിവര്‍ ആശംസഅര്‍പ്പിച്ചു. കോട്ടയം ജില്ലയിലെ മികച്ച വില്ലേജ് ഓഫീസര്‍ ആയി തിരഞ്ഞെടുക്കപ്പെട്ട റിന്‍സി സിറിയകിനെ ചടങ്ങില്‍ ആദരിച്ചു. പ്രിന്‍സിപ്പല്‍ ഡോ ജോയി ജേക്കബ്, വൈസ് പ്രിന്‍സിപ്പല്‍മാരായ ഫാ ജോസഫ് ആലഞ്ചേരില്‍, സിജി ജേക്കബ് , സ്റ്റുഡന്‍സ് യൂണിയന്‍ ചെയര്‍മാന്‍ ഡോയല്‍ അഗസ്റ്റിന്‍, റാങ്ക് ജേതാക്കളുടെ പ്രതിനിധി അജയ് ഐസക് തുടങ്ങിയവര്‍ പ്രസംഗിച്ചു. കലാ മേളയുടെ ഉദ്ഘാടനം സിനിമ സംഗീത സംവിധായകന്‍ ബേര്‍ണി ഇഗ്‌നേഷ്യസ് സഹോദരങ്ങളിലെ ഇഗ്‌നേഷ്യസ് നിര്‍വ്വഹിച്ചു. കോര്‍ഡിനേറ്റര്‍മാരായ ഷീബാ തോമസ്, സുമേഷ് സി എന്‍ തുടങ്ങിയവര്‍ പ്രസംഗിച്ചു.
.jpg&description=മാര്‍ ആഗസ്തീനോസ് കോളേജ് കള്‍ച്ചറല്‍ ഫിയസ്റ്റയും റാങ്ക് ഹോള്‍ഡേഴ്സ് മീറ്റും ){kind=link}
0 Comments