മധ്യപ്രദേശിലെ ജബല്‍പൂരില്‍ പോലീസിന്റെ സാന്നിദ്ധ്യത്തില്‍ ക്രിസ്ത്യന്‍ പുരോഹിതര്‍ക്ക് നേരെ ആക്രമണം അഴിച്ചുവിട്ട വര്‍ഗ്ഗീയ തീവ്രവാദികള്‍ക്കെതിരെ മുഖം നോക്കാതെ നടപടി സ്വീകരിക്കാന്‍ കേന്ദ്ര സര്‍ക്കാര്‍ തയാറാകണമെന്ന് തൃണമൂല്‍ കോണ്‍ഗ്രസ് സംസ്ഥാന ചീഫ് കോര്‍ഡിനേറ്റര്‍ സജി മഞ്ഞക്കടമ്പില്‍ ആവശ്യപ്പെട്ടു.
ക്രൈസ്തവ സഭ നടത്തുന്ന ആശുപത്രികളില്‍ ചികില്‍സയും, സ്‌കൂളുകളില്‍ പഠനവും നടത്തിയ ശേഷം കത്തോലിക്കാ പുരോഹിതര്‍ നിര്‍ബന്ധിത മതം മാറ്റത്തിന് നേതൃത്വം നല്‍കുകയാണെന്ന വ്യാജ പ്രചരണം നടത്തുന്നവര്‍ വര്‍ഗ്ഗീയ തീവ്രവാദികളാണെന്നും സജി ആരോപിച്ചു. ഇന്ത്യന്‍ ഭരണഘടന നല്‍കിയിരിക്കുന്ന മൗലിക അവകാശ പ്രകാരം ഏതൊരു പൗരനും തനിക്ക് ഇഷ്ടമുള്ള മതവിശ്വസത്തില്‍ ജീവിക്കാനും, പ്രവര്‍ത്തിക്കുവാനും, പ്രചരിപ്പിക്കുവാനും, മതം മാറുവാനും ഉള്ള അവകാശമുണ്ടെന്നും നിര്‍ബന്ധിത മതം മറ്റം നടക്കുന്നുണ്ടെങ്കില്‍ വ്യക്തികളുടെ പരാതിപ്രകാരം നടപടി സ്വീകരിക്കാന്‍ സര്‍ക്കാര്‍ ഇടപെടട്ടെയെന്നും സജി അഭിപ്രായപ്പെട്ടു.
.webp)
0 Comments