മുത്തോലി മുന്‍ പഞ്ചായത്ത് പ്രസിഡന്റും അഭിഭാഷകയുമായ അഡ്വ. ജിസ്‌മോള്‍ രണ്ടു കുട്ടികള്‍ക്കൊപ്പം ജീവനൊടുക്കിയ സംഭവത്തിനു പിന്നിലെ യഥാര്‍ത്ഥ കാരണം കണ്ടുപിടിക്കണമെന്ന് ബന്ധുക്കള്‍ ആവശ്യപ്പെട്ടു. മരണവാര്‍ത്തയറിഞ്ഞ് UK യില്‍ നിന്നും മടങ്ങിയെത്തിയ പിതാവ് തോമസും സഹോദരന്‍ ജിറ്റുവുമാണ് ഈ ആവശ്യം ഉന്നയിച്ചത്.
ഭര്‍ത്താവില്‍ നിന്നു ഭര്‍തൃ മാതാവില്‍ നിന്നും ഭര്‍തൃസഹോദരിയില്‍ നിന്നും ജിസ് മോള്‍ക്ക് മാനസിക പീഡനം ഏല്‍ക്കേണ്ടി വന്നിട്ടുണ്ട്. ആത്മഹത്യ ചെയ്തതിന്റെ തലേ ദിവസം വീട്ടില്‍ കാര്യമായി എന്തോ സംഭവിച്ചിട്ടുണ്ടെന്നും അതെന്താണെന്ന് കണ്ടെത്തണമെന്നും പിതാവും സഹോദരനും ആവശ്യപ്പെടുന്നു. മകളുടെ മരണത്തിലെ ദുരൂഹത നീക്കാന്‍ ഏതറ്റം വരെയും പോകുമെന്ന് പിതാവ് തോമസ് പറഞ്ഞു. കുറച്ചു നാളുകള്‍ക്കു മുന്‍പ് ജിസ് മോളുടെ തലയില്‍ കണ്ട മുറിവ് വാതിലില്‍ തലയിടിച്ചുണ്ടായതണെന്ന് പറഞ്ഞിരുന്നുവെങ്കിലും പിന്നീട് ഭര്‍ത്താവിന്റെ മര്‍ദ്ദനം മൂലമാണെന്ന് വ്യക്തമായതായും കുടുംബാംഗങ്ങള്‍ പറയുന്നു. അഭിഭാഷകയായ ജിസ്‌മോള്‍ക്ക് ഓഫീസ് ഇടാനായി ഭര്‍ത്താവ് ജിമ്മി നല്‍കിയ തുക ഒരാഴ്ച കഴിഞ്ഞപ്പോള്‍ തിരികെ ചോദിച്ചതായും സഹോദരനും പിതാവും പറഞ്ഞു. ബന്ധു വീടുകളിലെ ചടങ്ങുകളില്‍ പങ്കെടുക്കുന്നതും തടസ്സപ്പെടുത്തിയിരുന്നു. ഇവരോടൊപ്പം താമസിച്ചിരുന്ന ഭര്‍തൃമാതാവും സഹോദരിയും ജിസ് മോളെ മാനസികമായി പീഡിപ്പിച്ചിരുന്നു. ഈ സാഹചര്യങ്ങള്‍ നിലനില്‍ക്കെ പെട്ടെന്ന് ആത്മഹത്യ ചെയ്യാന്‍ പ്രേരിപ്പിച്ചതെന്തെന്ന് കണ്ടെത്തണമെന്ന ആവശ്യമാണ് അഡ്വ ജിസ് മോളുടെ കുടുംബാംഗങ്ങള്‍ക്കുള്ളത്.
.webp)
0 Comments