പത്താമുദയ മഹോത്സവം 14 മുതല്‍ 24 വരെയുള്ള തീയതികളില്‍

മാഞ്ഞൂര്‍ വേലച്ചേരി രുധിരമാല ഭഗവതീ ക്ഷേത്രത്തിലെ പത്താമുദയ മഹോത്സവം 14 മുതല്‍ 24 വരെയുള്ള തീയതികളില്‍ ഭക്തിനിര്‍ഭരമായ ചടങ്ങുകളോടെ  നടക്കുമെന്ന് സംഘാടകര്‍ കടുത്തുരുത്തി പ്രസ്സ് ക്ലബ്ബില്‍  വാര്‍ത്താ സമ്മേളനത്തില്‍ അറിയിച്ചു. 14-ന് രാവിലെ 10.46-നും 11.20-നും മധ്യേ ക്ഷേത്രംതന്ത്രി പൂഞ്ഞാര്‍ അജി നാരായണന്‍ തന്ത്രിയുടെ മുഖ്യ കാര്‍മികത്വത്തില്‍ കൊടിയേറ്റു കര്‍മ്മം നടക്കും. തുടര്‍ന്ന് ഉച്ചയ്ക്ക് 12.30-ന് കലശാഭിഷേകം നടക്കും. 

രാത്രി 7.30-ന് കളമെഴുത്തും പാട്ടു നടക്കും. ഉത്സവദിവസങ്ങളില്‍ ഉച്ചയ്ക്ക് ഒന്നിന് പ്രസാദമൂട്ട് ഉണ്ടായിരിക്കും. 22-ന് രാത്രി 7.30-ന് ഭജന്‍സ്, 10.30-ന് പള്ളിവേട്ട, 23-ന് ഉച്ചയ്ക്ക് 12-ന് സര്‍പ്പപൂജ, നൂറും പാലും, വൈകീട്ട് 6.15-ന് ആറാട്ട് പുറപ്പാട്, രാത്രി 7.15-ന് മള്ളിയൂര്‍ മഹാഗണപതി ക്ഷേത്രക്കുളത്തില്‍ ആറാട്ട്, 8.30-ന് ആറാട്ട് എതിരേല്‍പ്പ്, 24-ന് രാവിലെ 6.30-ന് കൂട്ടക്കളം എന്നിവയാണ് പ്രധാന പരിപാടികള്‍.  പ്രസിഡന്റ് പി.വി. സണ്ണി പോട്ടയില്‍, സെക്രട്ടറി കെ.ജി. സൂരജ് കളപ്പുരയില്‍, കണ്‍വീനര്‍ വി.കെ. ബാബു വേലച്ചേരില്‍, എം.പി. വിശ്വംഭരന്‍, സുലോചന മോഹനന്‍ കൊല്ലംപറമ്പില്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.